چھتیس گڑھ کے دنتے واڑہ میں نکسلی حملہ کے دوران 11 جوانوں کے شہید ہونے کی خبریں سامنے آ رہی ہیں۔ موصولہ اطلاعات کے مطابق دنتے واڑہ کے تھانہ ارنپور علاقہ میں نکسل مخالف مہم کے دوران آئی ای ڈی دھماکہ کر دیا گیا جس سے ڈی آر جی کے 10 جوان اور 1 ڈرائیور شہید ہو گئے۔
“10 DRG (District Reserve Guard) personnel and one driver killed in IED attack by naxals in Dantewada,” tweets Chhattisgarh CM Bhupesh Baghel pic.twitter.com/xoZ1rRhFRt— ANI (@ANI) April 26, 2023
چھتیس گڑھ کے وزیر اعلیٰ بھوپندر بگھیل نے اس نکسلی حملہ پر شدید افسوس کا اظہار کیا ہے۔ انھوں نے کہا کہ ریاست سے نکسل ازم کو ختم کر کے ہی سکون حاصل کریں گے۔ ریاست میں نکسلیوں سے لڑائی آخری دور میں ہے اور جلد ہی اس کا خاتمہ ہو جائے گا۔ اس حملے کو لے کر ملک کے وزیر داخلہ امت شاہ نے چھتیس گڑھ کے وزیر اعلیٰ بھوپیش بگھیل سے فون پر جانکاری لی ہے۔ انھوں نے وزیر اعلیٰ بگھیل کو ہر ممکن مدد کی یقین دہانی کرائی۔ امت شاہ نے کہا کہ ریاستی حکومت جو بھی مطالبہ کرے گی، ہم دینے کو تیار ہیں۔
#WATCH | IED attack by naxals in Dantewada | “…10 DRG jawans and one civilian driver lost their lives in the attack…Bodies of all of them are being evacuated from the spot. Senior officers are present there. Search operation is underway,” says IG Bastar, P Sundarraj. pic.twitter.com/3jebxQkWRH— ANI (@ANI) April 26, 2023
اس درمیان بستر رینج کے پولیس ڈائریکٹر جنرل سندر راج پی نے کہا کہ ’’ہم نے ایک اطلاع پر نکسلیوں کے خلاف مہم چلائی تھی۔ مہم مکمل کرنے کے بعد ٹیم جب واپس لوٹ رہی تھی تبھی گاڑی آئی ای ڈی کی زد میں آ گئی۔ گاڑی میں 10 ڈی آئی جی (ضلع ریزرو گارڈ) جوان تھے اور ایک گاڑی کا ڈرائیور تھا۔‘‘ انھوں نے یہ بھی جانکاری دی کہ شہید جوانوں کی لاشوں کو واپس لایا جا رہا ہے۔ موقع پر سینئر افسران موجود ہیں اور راحت و بچاؤ کا کام جاری ہے۔
