یوم خواتین پر ایوان اسمبلی میں ابوعاصم اعظمی کی اسلامی تعلیمات پر پر مغز تقریر
مہاراشٹر قانون ساز اسمبلی میں رکن اسمبلی ابوعاصم اعظمی نے یوم خواتین پر یہ واضح کیا کہ اسلام نے ہی خواتین کو حقوق دئیے ہیں چودھا سو سال قبل بچیوں کو زندہ درگور کر دیا جاتا تھا لیکن پیغمبر محمد صلی اللہ علیہ وسلم نے روئے زمین پر غلامی کی زنجیریں توڑتے ہوئے بچیوں عورتوں کو حقوق دئیے ابوعاصم اعظمی نے کہا کہ خواتین کا احترام سب پر لازم ہے اس لئے اسلام میں بیٹیوں کی شادی کا حکم دیا گیا ہے اسلام نے صرف عورتوں کو ہی تلقین نہیں کی ہے بلکہ مردوں کو بھی حکم دیا ہے کہ وہ عورتوں کے ساتھ نظریں نیچی رکھیں اسلام تعلیمات پر روشنی ڈالتے ہوئے ابوعاصم اعظمی نے کہا کہ طلاق ثلاثہ قانون مودی سرکار نے نافذ کر دیا ہے اس سے مرد کو جیل بھیج دیا جاتا ہے لیکن اس عورت کی کفالت کون کریگا جس کا مرد جیل میں ہے اور اگر وہ تین سال بعد اگر جیل سے رہا ہوتا ہے تو پھر کیا وہ اس عورت کو اپنے گھر میں برداشت کریگا جس نے اس پر مقدمہ کیا ہے انہوں نے کہا کہ مرد اسے تین طلاق نہیں بلکہ وقفے وقفے سے طلاق دے کر گھر سے نکال دے گا اس کی گزر بسر کی ذمہ داری اگر سرکار ادا کرتی تو بہتر ہوتا لیکن سرکار نے تو کفالت کے معاملے میں کوئی فیصلہ نہیں کیا ہے صرف مردوں کو جیل میں ڈالنے کا قانون بنا دیا ہے اس لئے میرا مطالبہ ہے کہ اس قانون میں ترمیم کی جائے۔
اعظمی نے بتایا کہ اسلام ہی ماں کے قدموں کے نیچے جنت رکھی ہے بیٹیوں کو اپنے والد کی سب سے زیادہ فکر ہوتی ہے کیونکہ میں بھی بیٹیوں کا باپ ہوں میری بیٹیاں بھی مجھ سے دریافت کرتی ہے کہ ابا آپ نے کھانا کھایا یا نہیں یہ عادت بیٹوں میں نہیں ہوتی ہے انہوں نے کہا کہ اسلام نے خواتین کو خودکفیل بنایا ان کی شادی کے دوران مہر کی ادائیگی کو لازمی قرار دیا لیکن افسوس اس بات پر ہے کہ اسلامی تعلیمات پر عمل آوری کے بجائے لوگ شادی میں تو اصراف کرتے ہیں لیکن مہر دینے میں کنجوسی کرتے ہیں انہوں نے کہا کہ مہر کا نظام ہی ایسا ہے کہ اگر مرد نے عورت کوچھوڑ دیا یا اسے طلاق دیدی تو و ہ اس رقم سے اپناگزر بسر کر سکتی ہے اس کی کفالت بآسانی ہوسکتی ہے۔
انہوں نے کہا کہ اسلام نے مردوں اور عورتوں کیلئے بھی پردہ رکھا ہے تنہا لڑکی کے ساتھ باپ بھی نہیں رہ سکتے یہ اسلام کی تعلیمات ہے انہوں نے کہا کہ زیادہ تر عصمت دری کے واقعات شناساؤں کے معرفت وقوع پذیر ہوتے ہیں یہ حقیقت ہے لیکن اس میں اگر اسلامی تعلیمات پر عمل کیا جائے تو یہ واقعات پر قدغن لگے گا۔
ایس ایم ایس کمپنی کو تلوجہ منتقل کیا جائے اعظمی
ممببئی: ممبئی مہاراشٹر قانون ساز اسمبلی میں ابوعاصم اعظمی نے ایک مرتبہ پھر ایس ایم ایس کمپنی بند کر نے کا مطالبہ کرتے ہوئے اسے تلوجہ منتقل کر نے کا مطالبہ کیا ہے انہوں نے کہا کہ ایس ایم ایس کمپنی کے سبب گوونڈی کے عوام کی زندگی مشکل ہوگئی ہے یہاں ٹی بی کا مرض اس قدر پھیل گیا ہے کہ ٹی بی سمیت دیگر وبائی مرض سے عوام لقمہ اجل بن رہے ہیں اس کے باوجود اس کی منتقلی نہیں کی گئی ہے ایس ایم ایس کمپنی زہریلا دھواں چھوڑتی ہے جو انسانی صحت کیلئے مضر ہے اس کے باوجود رہائشی علاقے میں اس کمپنی کو قائم رکھا گیاہے ایوان میں پچاس مرتبہ اس کمپنی کو بند کرنے کا مطالبہ میں کر چکا ہوں لیکن سرکار اس پر کوئی کارروائی نہیں کر تی اس مطالبہ پر ایوان اسمبلی میں اسپیکر نے انتظامیہ کو ضروری کارروائی کا حکم صادر کیا۔
