ملک میں آج سے کئی اہم تبدیلیاں، سونا، ایل پی جی سلنڈر سے لے کر ٹول ٹیکس تک، جانیں کیا سستا ہوا اور کیا مہنگا؟

نئی دہلی: آج یکم اپریل سے نئے مالی سال 2023-24 کا آغاز ہو گیا ہے۔ اسی کے ساتھ آج سے آپ کو روزمرہ کی زندگی سے متعلق بہت سی چیزوں اور اصولوں میں تبدیلی نظر آئے گی۔ نئے انکم ٹیکس نظام کے نئے سلیب آج سے نافذ ہو گئے ہیں۔ ملک میں سونے کی فروخت کے حوالے سے نئے اصول بھی آج سے نافذ ہو گئے ہیں۔ ان کے علاوہ بھی بہت سی تبدیلیاں کی گئی ہیں۔ملک میں آج سے کمرشل ایل پی جی سلنڈر سستے ہو گئے ہیں۔ 19 کلو کمرشل ایل پی جی سلنڈر کی قیمت میں 91 روپے 50 پیسے کی کمی کی گئی ہے۔ قیمت میں کمی کے بعد اب دہلی میں اس سلنڈر کی قیمت 2028 روپے ہو گئی۔ تاہم گھریلو کھانا پکانے والی گیس کی قیمتوں میں کوئی تبدیلی نہیں کی گئی۔ خیال رہے کہ ہر ماہ کی پہلی تاریخ کو پٹرولیم کمپنیاں ایل پی جی سلنڈر کی قیمتوں میں ردوبدل کرتی ہیں۔آج سے ملک میں ہائی ویز اور ایکسپریس ویز پر سفر کرنا مہنگا ہو گیا ہے۔ دہلی-میرٹھ ایکسپریس وے اور این ایچ-9 پر آج سے ٹول ٹیکس میں تقریباً 10 فیصد کا اضافہ کیا گیا ہے۔ ممبئی-پونے ایکسپریس وے پر بھی ٹول کی شرح بڑھا دی گئی ہے۔ اب آپ کو ایکسپریس وے پر سفر کرنے کے لیے 18 فیصد زیادہ ٹول ادا کرنا پڑے گا۔ملک میں انکم ٹیکس کے نئے نظام کے نئے سلیب آج سے نافذ ہو گئے ہیں۔ عام بجٹ 2023 میں حکومت نے نئے سلیب کا اعلان کیا تھا۔ اس میں سلیبوں کی تعداد 6 سے کم کر کے 5 کر دی گئی۔ حکومت کے اعلان کے مطابق ٹیکس کا نیا نظام ڈیفالٹ ہوگا اور اگر کوئی پرانے سلیب کا انتخاب کرنا چاہتا ہے تو اس کے لیے اسے فارم بھرنا ہوگا۔انکم ٹیکس چھوٹ کی حد آج سے 5 لاکھ روپے سے بڑھا کر 7 لاکھ روپے کر دی گئی ہے۔ تاہم یہ فائدہ صرف ان لوگوں کو ملے گا جو نئے ٹیکس نظام کا انتخاب کرتے ہیں۔ نئے ٹیکس نظام میں انکم ٹیکس ایکٹ کے تحت ٹیکس چھوٹ 12500 روپے سے بڑھا کر 25000مطابق نئے اصول کے تحت اب 4 ہندسوں والے ہال مارک یونیک آئیڈنٹیفکیشن (ایچ یو آئی ڈی) والے زیورات کی فروخت پر پابندی عائد کر دی گئی ہے اور صرف 6 ہندسوں والے ہال مارک ایچ یو آئی ڈی زیورات ہی فروخت ہو سکیں گے۔ تاہم، صارفین اپنے پرانے بغیر ہال مارکنگ والے زیورات بھی فروخت کر سکیں گے۔ روپے کر دی گئی ہے۔ تاہم، 7 لاکھ روپے تک کی آمدنی پر صفر ٹیکس کا فائدہ حاصل کرنے والوں کو اس رعایت کا فائدہ نہیں ملے گا۔