سورت (گجرات): کانگریس لیڈر راہل گاندھی کو مودی سرنیم معاملہ میں گجرات کی سیشن عدالت سے راحت نہیں دی گئی۔ عدالت نے راہل گاندھی کو دی گئی دو سال کی سزا کے خلاف عرضی کو مسترد کر دیا۔ ٹرائل کورٹ نے راہل گاندھی کو ہتک عزتی کے معاملہ میں دو سال کی سزا سنائی تھی۔ راہل گاندھی اب اس معاملہ میں ہائی کورٹ سے رجوع کریں گے۔
سورت کی ذیلی عدالت نے مودی سرنیم معاملہ میں راہل گاندھی کو قصوروار قرار دیتے ہوئے انہیں دو سال کی سزا سنائی تھی۔ جس کے بعد راہل گاندھی نے سزا کے خلاف سیشن عدالت میں عرضی دائر کی تھی۔ اگر سیشن عدالت کی جانب سے سزا کو منسوخ کر دیا جاتا تو راہل گاندھی کی لوک سبھا کی رکنیت بحال ہو سکتی تھی۔
Gujarat | Surat Court rejects the application filed by Congress leader Rahul Gandhi seeking stay on his conviction in the 2019 defamation case on ‘Modi surname’ remark. pic.twitter.com/BMVyXTkAs7— ANI (@ANI) April 20, 2023
سورت کی سیشن عدلت سے فیصلہ سنائے جانے کے بعد کانگریس لیڈر جے رام رمیش نے کہا کہ قانون کے تحت دستیاب تمام اختیارات کو استعمال کرنے کا سلسلہ جاری رہے گا۔ شام 4 بجے ڈاکٹر ابھیشیک منو سنگھوی اس معاملہ پر میڈیا کو معلومات فراہم کریں گے۔
We will continue to avail all options still available to us under the law. @DrAMSinghvi will brief the media on Rahul Gandhi’s appeal at 4pm.— Jairam Ramesh (@Jairam_Ramesh) April 20, 2023
ایڈیشنل سیشن جج آر پی موگیرا کی عدالت نے گزشتہ ہفتہ راہل گاندھی کی عرضی پر سماعت کے بعد اپنا فیصلہ محفوظ رکھ لیا تھا۔ راہل گاندھی 2019 کے لوک سبھا انتخابات میں کیرالہ کے وائناڈ سے جیت کر پالیمنٹ پہنچے تھے۔ سورت کی عدالت نے 23 مارچ کو بی جے پی لیڈر پورنیش مودی کی عرضی پر سماعت کے بعد راہل گاندھی کو سزا سنائی تھی۔ اس کے بعد انہیں لوک سبھا سے نااہل قرار دے دیا گیا تھا۔
