مظفرپور، 25/ فروری(وجاہت، بشارت رفیع) کٹرا بلاک واقع مڈل اسکول دھنوارہ کی معلمہ نازیہ شاہین کے انتقال سے ضلع کےاساتذہ اور علمی حلقوں میں غم کی لہر پھیل گئی ہے، مرحومہ ایک سڑک حادثے میں اپنے شوہر کو کھونے کے بعد اگست 2017 میں انوکمپا کی بنیاد پر اپنی خدمات شروع کی تھی اور ایک مختصر مگر شاندار تدریسی خدمات انجام دے کر داعی اجل کو لبیک کہا، معمولی علالت کے بعد انہیں دربھنگہ واقع سٹی ہاسپیٹل میں بغرض علاج داخل کیا گیا تھا جہاں علاج کے دوران ان کی موت واقع ہوگئی، لگاتار صدموں سے دوچار ان کے خاندان والوں کے لیے یہ بہت ہی المناک واقعہ ہے۔ خان پور اردو مڈل اسکول کے معلم اور قومی اساتذہ تنظیم کی مجلس عاملہ کے رکن جناب نسیم اختر نے مرحومہ کے اہل خانہ سے تعزیت کا اظہار کرتے ہوئے کہا کہ مرحومہ ایک قابل معلمہ تھیں، ان کا انتقال ان کے اہل خانہ کے ساتھ ساتھ ہم اساتذہ کےلئے بھی گہرے دکھ کا سبب ہے، انہوں نے بتایا کہ مرحومہ کو معمولی نا سازی کے بعد ہسپتال میں داخل کیا گیا تھا جس کے بعد ہم لوگوں کو ان کے موت کی اندوہناک خبر موصول ہوئی۔ قومی اساتذہ تنظیم کے کنوینر و صحافی محمد رفیع نے اردو معلمہ نازیہ شاہین کی موت پر گہرے رنج کا اظہار کرتے ہوئے ان کے لیے مغفرت اور درجات کی بلندی کی دعا کی، ق ا ت کے سکریٹری محمد تاج الدین نے کہا کہ موت بہرحال یقینی ہے اور ہر کسی کے لیے موت کا وقت مقرر ہے مگر مرحومہ کی اچانک موت سے ہم سب اساتذہ رنج و الم کی کیفیت سے دوچار ہیں اور دعا کرتے ہیں کہ اللہ رب العزت مرحومہ کی خدمات کو قبول فرماتے ہوئے ان کی مغفرت فرمائے اور اعلی علیین میں جگہ نصیب فرمائے۔ مرحومہ کی موت پر قومی اساتذہ تنظیم کی مجلس عاملہ کے اراکین جناب ندیم انور، محمد رضوان ، ضلع صدر شمشاد احمد ساحل اور خزانچی محمد حماد کے علاوہ کثیر تعداد میں اساتذہ وعلمی شخصیات نے گہرے رنج کا اظہار کیا ہے۔ بتاریخ 16 فروری 2023بروز جمعرات کو جیسے انکے موت کی خبر ملی انکے اسکول کے استاتذہ کے بیچ غم و ماتم چھا گیا، مڈل اسکول دھنوارا اردو کے ہیڈ ماسٹر جناب محمد ربانی نے رنج و غم کا اظہار کیا اور ساتھ ہی انکے اسکول کے اساتذہ ششی شیکھر شرن، مطیع الرحمن، انجم آرا، محمد رحمت علی،وکاس کمار، پنکج کمار دیپک اور ناصرا خاتون نے کہا کہ اسکول کا بڑا نقصان ہوا ہے۔
हमारी आवाज़ न्यूज़ आपको देता है देश और दुनिया की ताज़ा ख़बर सबसे पहले और हिंदी में | भारत और दुनिया की राजनीति, खेल, बॉलीवुड, व्यवसाय, शहर, जीवन शैली, ज्योतिष, आध्यात्मिकता, नौकरी और भी बहुत कुछ के बारे में लाइव हिंदी समाचार प्राप्त करें।
© 2023 Hamari Awaz Designed by Amplexperts