آن لائن مارکیٹ پلیس اور کلاسیفائیڈ بزنس برانچ او ایل ایکس گروپ نے دنیا بھر میں تقریباً 800 ملازمین کو نوکری سے نکال دیا ہے۔ ’ٹیک کرنچ‘ کی ایک رپورٹ کے مطابق ممکبہ خریداروں اور سرمایہ کاروں کی تلاش کے بعد کمپنی نے مارکیٹ میں اپنی آٹوموٹو یونٹ (او ایل ایکس آٹو) کا آپریشن بند کرنا شروع کر دیا ہے۔ قابل ذکر بات یہ ہے کہ یہ چھنٹنی مارکیٹ یا ڈویژن تک محدود نہیں ہے، بلکہ آگے مزید چھنٹنی کی جا سکتی ہے۔او ایل ایکس کے ایک ترجمان نے سینکڑوں ملازمین کو باہر کا راستہ دکھائے جانے کی تصدیق کی ہے۔ او ایل ایکس عالمگیر سطح پر 30 سے زیادہ ممالک میں پھیلا ہوا ہے اور اس کا ہیڈکوارٹر ایمسٹرڈم میں ہے۔ او ایل ایکس گروپ کا کہنا ہے کہ اس نے اس سال کے شروع میں او ایل ایکس آٹو کاروبار سے باہر نکلنے کا فیصلہ لیا، اور تب سے ممکنہ خریداروں یا سرمایہ کاروں کا پتہ لگایا گیا ہے۔ اس عمل سے یہ واضح ہو گیا ہے کہ لوکل مارکیٹ میں موجود اہم قدروں کو دیکھتے ہوئے نجی ملک کی فروخت کا پیچھا کرنا سب سے اچھا متبادل تھا۔ اس میں چلی، لاطینی امریکہ میں فائنانسنگ کاروبار اور او ایل ایکس کلاسیفائیڈ پلیٹ فارم اور ہندوستان، انڈونیشیا اور ترکی میں آٹو لین دین کاروبار دونوں شامل ہیں۔
